Կրասնոդարում տեղի կունենա Մոնթե Մելքոնյանին նվիրված հուշ-երեկո

Նոյեմբերի 24-ին Կրասնոդարի հայկական մշակութային և ժամանցի կենտրոնում տեղի կունենա արցախյան առաջին պատերազմի մասնակից, Հայաստանի և Արցախի ազգային հերոս Մոնթե Մելքոնյանի 67-ամյակին նվիրված հուշ-երեկո։

Մոնթե Մելքոնյանը ծնվել է 1957 թվականի նոյեմբերի 25-ին ԱՄՆ-ում։ Նա համարվում է Արցախյան պատերազմի ամենափայլուն, տաղանդավոր ու փորձառու հայ հրամանատարներից մեկը։ Մոնթեն զոհվել է 1993 թվականի հունիսի 12-ին Մարզիլի գյուղի մատույցներում։ Հետմահու արժանացել է Հայաստանի ազգային հերոսի, ինչպես նաև Արցախի հերոսի կոչման։ Թաղված է «Եռաբլուր» զինվորական պանթեոնում։

Նրա անունով է կոչվում ՀՀ զինված ուժերի ռազմական ուսումնարաններից մեկը, փողոցներ Հայաստանում։