Կրեմլն ակնկալում է, որ Հայաստանը կշարունակի աշխատել ՀԱՊԿ-ում
22 Նոյեմբերի 2023, 13:44
Կրեմլը ցավում է, որ Հայաստանը բարձր մակարդակով չի մասնակցի նոյեմբերի 23-ին Մինսկում կայանալիք ՀԱՊԿ գագաթնաժողովին, և հույս ունի, որ Երևանը կշարունակի աշխատել կազմակերպության շրջանակներում։ Ռիա նովոստիի փոխանցմամբ՝ այս մասին լրագրողներին ասել է ՌԴ նախագահի մամուլի քարտուղար Դմիտրի Պեսկովը:
«Իհարկե, կարելի է ափսոսանք հայտնել, որ վաղը այս գագաթնաժողովին Հայաստանի բարձր մակարդակի մասնակցություն չի լինելու։ Հույս ունենք, որ աշխատանքային, փորձագիտական մակարդակով կլինի մասնակցություն։ Բայց, իհարկե, մենք ակնկալում ենք, որ Հայաստանը կշարունակի իր աշխատանքը կազմակերպության շրջանակներում»,- ասել է նա։
Նախօրեին հայտնի դարձավ, որ ՀՀ պաշտպանության նախարար Սուրեն Պապիկյանը չի մասնակցելու ՀԱՊԿ շրջանակներում Մինսկում կայանալիք հանդիպումներին։
Հիմա եթերում
