Կրեմլը համոզված է, որ Հարավային Կովկասում խնդիրները պետք է լուծվեն բացառապես «3+3» ձևաչափով․ Անդրեյ Չուպրիգին
30 Հոկտեմբերի 2023, 21:30
Ազգային հետազոտական համալսարանի Տնտեսագիտության բարձրագույն դպրոցի Համաշխարհային տնտեսության և համաշխարհային քաղաքականության ֆակուլտետի ավագ դասախոս, Ռուսաստանի միջազգային գործերի խորհրդի փորձագետ Անդրեյ Չուպրիգինը Alpha News-ին մեկնաբանել է Ուկրաինայի ներկայացուցիչների հետ Հայաստանի ղեկավարության հանդիպումը։
Ըստ քաղաքագետի՝ Հայաստանը ցանկություն ունի իր արեւմտյան դաշնակիցներին ցույց տալու, որ շարժվում է եվրոպական հետագծով։
«Հայաստանը, որը Ղարաբաղի հետ ունեցած անհաջողություններից և լիակատար պարտությունից հետո փորձում էր մեղքը բարդել Ռուսաստանի վրա, ակնհայտորեն նոր դաշնակիցներ է փնտրում։ Իսկ հակառուսական հետագծի ամենահարմար դաշնակիցը Զելենսկին է և Ուկրաինայի քաղաքական ղեկավարությունը։ Բացի այդ, ցանկություն կա ցույց տալ Ուկրաինայի արևմտյան դաշնակիցներին և, առաջին հերթին, ՆԱՏՕ-ին և Եվրամիությանը, թե որքանով է Հայաստանը շարժվում եվրոպական հետագծով։
Մոսկվան դժվար թե արձագանքի դրան, քանի որ Մոսկվան արդեն երեք անգամ արձագանքել է Փաշինյանի վարչակազմի նախորդ՝ հստակ հրապարակային դեմարշին։ Հիմա Մոսկվան որոշ ժամանակով հանգիստ կթողնի Փաշինյանին»,- ասել է Չուպրիգինը։
Փորձագետի կարծիքով, Կրեմլում զգացում կա, որ Հարավային Կովկասում խնդիրները պետք է լուծվեն բացառապես «3+3» ձևաչափով։
«Ես լիովին համոզված եմ, որ Կրեմլը կարծում է, որ ամեն դեպքում, անկախ նրանից, թե ինչպես է ամեն ինչ տեղի ունենում, Հարավային Կովկասում ծագած խնդիրները պետք է լուծվեն բացառապես «3+3» ձևաչափով։ Մնացած ամեն ինչ փորձեր են, որոնք ոչնչով չեն ավարտվելու։
Ուր էլ գնա Փաշինյանը, աջակցության համար, որքան էլ նա մեղադրի Ռուսաստանին վերջին հակամարտությունում Հայաստանին արդյունավետ օգնություն չցուցաբերելու մեջ, փորձագետների և դիտորդների մեծ մասը, որոնց ճանաչում եմ, միակարծիք են, որ այդ խնդիրները հնարավոր չի լինի լուծել Եվրամիության, ՆԱՏՕ-ի կամ Միացյալ Նահանգների միջոցով, քանի որ դրանք հեռու են տարածաշրջանային օրակարգից»,- եզրափակել է Չուպրիգինը։
Հիմա եթերում
