Le Figaro ամսագիրը Ալիևին կոչ է արել անհապաղ ազատ արձակել բոլոր հայ գերիներին
13 Դեկտեմբերի 2023, 12:20
Ավելի քան 150 միջազգային գործիչներ, այդ թվում՝ Խաղաղության Նոբելյան մրցանակի դափնեկիրներ Օսկար Արիասն ու Լեյմա Գբոուին, նախկին նախագահներ և միջազգային բիզնեսի առաջնորդներ կոչ են անում Ադրբեջանի նախագահ Իլհամ Ալիևին ազատ արձակել Բաքվում ներկայումս բանտարկված հայ բանտարկյալներին:
ֆրանսիական Le Figaro հրատարակությունը գրել է, որ Արցախի՝ ավելի քան 9 ամիս տևած ապօրինի շրջափակումից հետո, ինչը թույլ չտվեց վառելիքի, դեղորայքի և սննդի մատակարարումը, Ադրբեջանը սեպտեմբերի 19-ին սկսեց արյունալի ռազմական հարձակումը, որի արդյունքում հարյուրավոր մարդիկ զոհվեցին, հազարավոր մարդիկ վիրավորվեցին։
Հրատարակությունը նշում է, որ այս ներխուժումը հանգեցրել է 120 հազար բնիկ հայերի բռնի տեղահանմանը։ Սա, անկասկած, էթնիկ զտում է, որը դատապարտում է միջազգային հանրության մեծ մասը։ Բացի այդ, մի քանի իրավապաշտպան կազմակերպություններ այս իրադարձություններն անվանել են ցեղասպանություն։
«Այս համատեքստում Հայաստան մեկնելու փորձի ժամանակ ապօրինի ձերբակալվել է հայ բարերար, մարդասիրական գործիչ, Հանրապետության նախկին պետնախարար Ռուբեն Վարդանյանը։ Նրա ձերբակալությունը հատկապես մտահոգիչ է, քանի որ Լեռնային Ղարաբաղի Հանրապետությանը նրա անձնուրաց նվիրվածությունը նրան դարձրել է Ադրբեջանի կառավարության թիրախը:
Նույնը վերաբերում է ԼՂՀ երեք նախկին նախագահներ Արայիկ Հարությունյանին, Բակո Սահակյանին, Արկադի Ղուկասյանին և նախկին պաշտոնյաներին՝ Դավիթ Բաբայանին, Լևոն Մնացականյանին, Դավիթ Իշխանյանին և Դավիթ Մանուկյանին։ Բաքվի բանտերում շարունակում են ապօրինի պահվել բազմաթիվ այլ հայեր։ Նրանց առողջության և ինքնազգացողության մասին հասանելի տեղեկատվության բացակայությունը խորապես մտահոգիչ է:
Այս մարդիկ կալանավորվել են միջազգային իրավունքի, մասնավորապես՝ ՄԱԿ-ի կանոնադրության և Մարդու իրավունքների և հիմնարար ազատությունների պաշտպանության մասին եվրոպական կոնվենցիայի կոպիտ խախտմամբ, որոնց կողմ է Ադրբեջանը։ Նրանց կալանքի պայմանները հատկապես անհանգստացնող են, մասնավորապես՝ նրանց ընտանիքների հետ շփման բացակայության, կանոնավոր անկախ մոնիտորինգի բացակայության և միջազգային իրավաբանների հետ նրանց հասանելիություն տրամադրելուց հրաժարվելու պատճառով:
Ադրբեջանը պետք է հարգի միջազգային իրավական չափանիշները և մարդու իրավունքները, որոնցից կախված է խաղաղությունն ու կայունությունը»,- գրել է Le Figaro-ն՝ կոչ անելով Ալիևին «անհապաղ ազատ արձակել բոլոր անօրինական ձերբակալվածներին»։
Հիմա եթերում
