Լև Ավանեսովը՝ «Տարվա մարդ-2025» մրցանակի դափնեկիր
11 Սեպտեմբերի 2025, 00:05
Ռուսաստանի պետական սոցիալական համալսարանի Պյատիգորսկի մասնաճյուղի տնօրեն Լև Ավանեսովը «Բարձրագույն և միջին մասնագիտական կրթություն» անվանակարգում արժանացել է «Տարվա մարդ-2025» մրցանակին։
Մրցանակը շնորհվում է նշանակալի ձեռքբերումների համար, որոնք նկատելի ազդեցություն են ունեցել քաղաքի զարգացման վրա և լայն արձագանք են ստացել հասարակության կողմից։ Մրցանակաբաշխությունը տեղի է ունեցել Պյատիգորսկի 245-ամյակի տոնակատարության շրջանակում։
Դափնեկիրներն, այդ թվում՝ Ավանեսովը, արժանացել են դիպլոմների, գավաթների և հոբելյանական մեդալների, որոնք հատուկ պատրաստվել էին տոնի կապակցությամբ։ Նրա ներդրումը կրթական միջավայրի ամրապնդման և ռուսական ու միջազգային մակարդակներում Պյատիգորսկի հեղինակության բարձրացման գործում բարձր է գնահատվել հասարակության կողմից։
Հիմա եթերում
