Լևոն Արոնյանը շախմատի պատմության մեջ Հայաստանի տղամարդկանց հավաքականը համարում է լավագույնը

Բուդապեշտի օլիմպիական խաղերում Հայաստանի հավաքականի նախկին առաջատար, այժմ ԱՄՆ-ի հավաքականը ներկայացնող Լևոն Արոնյանը նշել է բոլոր ժամանակների լավագույն հավաքականներին և խաղացողներին։

Հարցին, թե տղամարդկանց ո՞ր թիմն է լավագույնը շախմատի պատմության մեջ, Արոնյանը պատասխանել է․ «Իհարկե, Հայաստանի»։

Արոնյանի գլխավորությամբ Հայաստանի տղամարդկանց հավաքականը երեք անգամ հաղթել է Շախմատի համաշխարհային օլիմպիադայում՝ 2006 թվականին Թուրինում, 2008 թվականին Դրեզդենում և 2012 թվականին Ստամբուլում։

Նշենք, որ ՖԻԴԵ-ն Հայաստանի շախմատի տղամարդկանց հավաքականին ճանաչել է 100-ամյակի լավագույն թիմ։