Լուկաս Սելարայանը Ուելսի դեմ բարդ խաղ է սպասում
16 Հունիսի 2023, 00:20
![](https://media.alphanews.am/wp-content/uploads/2023/06/15210215/IMG_20220910_133705-1.jpg)
Հայաստանի ֆուտբոլի ազգային թիմի կիսապաշտպան Լուկաս Սելարայանը Ուելսի դեմ բարդ հանդիպում է սպասում:
«Կարծում եմ, մեզ բարդ հանդիպում է սպասվում Ուելսի դեմ խաղում: Նրանց համար ևս հեշտ չի լինելու: Պայքարելու ենք և հույս ունենք խաղալ մեր խաղը: Նպատակն է նվաճել այդ երեք միավորը»,- լրագրողների հետ նախախաղային ասուլիսի ժամանակ ասաց Սելարայանը:
Վերջինս շեշտեց, որ Հայաստանի հավաքականը կարող է խմբում բարձր հորիզոնականներ զբաղեցնել, քանի որ ընտրանու կազմում այժմ շատ տաղանդավոր երիտասարդներ կան:
«Ամեն ինչ անելու ենք խմբում առաջնային հորիզոնականներ զբաղեցնելու և որակավորման փուլը հաղթահարելու համար»,-ասաց նա:
Եվրո-2024 ընտրական փուլի շրջանակներում Հայաստանի ընտրանին հունիսի 16-ին կհյուրընկալվի Ուելսին: Խաղը կմեկնարկի Երևանի ժամանակով 22:45-ին: