Լույս է տեսել անվանի երաժիշտ Վիկտոր Մինասյանի «Նովոսիբիրսկի դաշնամուրային տրիո» գիրքը
14 Օգոստոսի 2024, 13:05
«Պ. Յուրգենսոն երաժշտական հրատարակչություն» կայքում արդեն հնարավոր է պատվիրել հայազգի երաժիշտ, ջութակահար, դիրիժոր, ՌԴ վաստակավոր արտիստ (2002 թ.), Նովոսիբիրսկի Մ. Ի. Գլինկայի անվան պետական կոնսերվատորիայի պրոֆեսոր Վիկտոր Մինասյանի «Նովոսիբիրսկի դաշնամուրային տրիո» գիրքը։
Գիրքը նվիրված է 20-8d դարի 60-90-ական թվականներին հայտնի կոլեկտիվին՝ Նովոսիբիրսկի դաշնամուրային տրիոյին։ Տրիոյի ստեղծող Վիկտոր Մելիքի Մինասյանը հետաքրքրաշարժ կերպով պատմում է անսամբլի ստեղծման և ստեղծագործական գործունեության մասին, որը նշանակալի ներդրում է ունեցել երկրի երաժշտական կյանքում։
Հրատարակության մեջ ներառված են տրիոյի մյուս մասնակիցների, ինչպես նաև հայտնի կոմպոզիտորների, քննադատների և երաժշտագետների հուշերը: Հատուկ հետաքրքրություն են ներկայացնում հեղինակի արխիվից հրապարակված լուսանկարները, փաստաթղթերը, բուկլետները, համերգային ծրագրերը և ազդագրերը: Գիրքը նախատեսված է ընթերցողների լայն շրջանակի համար:
Հիմա եթերում
