02 Օգոստոսի 2023, 08:30
Յոթ հայ շախմատիստներ ընդգրկվել են ՖԻԴԵ-ի վարկանիշային աղյուսակի լավագույն 100-յակում
Շախմատի միջազգային ֆեդերացիան հրապարակել է օգոստոսի վարկանիշային աղյուսակը: Հայաստանը ներկայացնող շախմատիստներից դասակարգման աղյուսակի 100 լավագույնների շարքում են Գաբրիել Սարգսյանը (47-րդ տեղ), Հայկ Մարտիրոսյանը (54-րդ տեղ), Հրանտ Մելքումյանը (94-րդ տեղ): Տղամարդկանց դասակարգման աղյուսակի առաջատարը մնում է աշխարհի՝ արդեն նախկին չեմպիոն Մագնուս Կարլսենը: ԱՄՆ դրոշի ներքո հանդես եկող Լևոն Արոնյանը դուրս է մնացել 10-ը լավագույնների շարքից և այժմ 14-րդն է: Կանանց դասակարգման աղյուսակում են Էլինա Դանիելյանը (40-րդ տեղ), Լիլիթ Մկրտչյանը (58-րդ տեղ), Աննա Սարգսյանը (91-րդ տեղ), Մարիամ Մկրտչյանը (92-րդ տեղ):
