Մահացել է Սիլվիո Բեռլուսկոնին

Միլանի հիվանդանոցներից մեկում 87 տարեկան հասակում մահացել է Իտալիայի նախկին վարչապետ Սիլվիո Բեռլուսկոնին։ Այս մասին այսօր գրել է «Известия»-ն՝ վկայակոչելով իտալական Corriere della Sera թերթը։

Հունիսի 9-ին Միլանի Սան Ռաֆֆայել կլինիկայից դուրս գրվելուց երեք շաբաթ անց նա կրկին հոսպիտալացվել է այնտեղ։

Բեռլուսկոնին ապրիլի 5-ին անսպասելիորեն ընդունվել էր վերակենդանացման բաժանմունք՝ կասկածելի թոքաբորբով և սրտի հետ կապված խնդիրներով։ Հաջորդ օրը հայտնի դարձավ, որ նախկին վարչապետի մոտ լեյկոզ է ախտորոշվել։ Քաղաքական գործչին վերակենդանացման բաժանմունքից տեղափոխել են սովորական բաժանմունք։

Հաջորդ օրը իտալական մամուլը տեղեկացրեց, որ քաղաքական գործիչը քիմիաթերապիա է անցնում։ Ինչպես նշում են մասնագետները, լեյկոզների այս տեսակը ոչ ագրեսիվ է և հանդիպում է 70 տարեկանից բարձր մարդկանց մոտ։