Մալագայում բացվել է Իսպանիայում առաջին Հայ Առաքելական եկեղեցին

Alpha News-ը շարունակում է ներկայացնել Սփյուռքում գործող հայկական եկեղեցիների մասին պատմող շարքը:

Ծովափնյա Մալագա քաղաքում բացվել է Իսպանիայում առաջին Հայ Առաքելական եկեղեցին: Արևմտյան Եվրոպայի Հայրապետական պատվիրակ Խաժակ արքեպիսկոպոս Պարսամյանը 2022 թվականին տաճարի հանդիսավոր բացմանը հայտարարել է, որ այս եկեղեցին պետք է տուն դառնա Իսպանիայում բնակվող բոլոր հայերի համար։

Չնայած այն հանգամանքին, որ Իսպանիայում մեծ թվով հայեր են ապրում, նրանք իրենց տաճարը չունեին։ Կալոնջի Սուրբ Մեծ նահատակ Գեորգի և Սուրբ նահատակ Անաստասիա եկեղեցու մատուռն Իսպանիայի առաջին հայկական տաճարն էր։

Քանի որ Մալագայում հայերի թիվը տարեցտարի ավելանում էր, տաճարի կառուցման անհրաժեշտություն առաջացավ։ Տեղի հայերը շատ են ցանկանում նաև դպրոցներ բացել, որպեսզի երեխաները կարողանան հայերեն սովորել և հիշել իրենց հայրենիքի մասին։

Հայկական եկեղեցին կառուցվել է ծիրանի տուֆից, որը բերվել է հատուկ Հայաստանից։ Տաճարի շինարարությունը սկսվել է 2020 թվականի վերջին և ավարտվել 2022 թվականի ամռանը։