Մալխաս Ամոյանն ընդգրկվել է հունահռոմեական ոճի ըմբշամարտի աշխարհի խորհրդանշական հավաքականում

Հայ ըմբիշ Մալխաս Ամոյանը (մինչև 77 կգ) ընդգրկվել է հունահռոմեական ոճի ըմբշամարտի աշխարհի խորհրդանշական հավաքականում: Քվեարկությունն անցկացվել է United World Wrestling (UWW) պաշտոնական էջի բաժանորդների շրջանում՝ 2025 թվականի աշխարհի առաջնությանն ընդառաջ:

Բացի Ամոյանից, 77 կգ քաշային կարգում թիմում ընդգրկվելու համար պայքարել են Նաո Կուսական (Ճապոնիա), Արամ Վարդանյանը (Ուզբեկստան) և Քամալ Բեյը (ԱՄՆ): Հայ մարզիկն առաջ է անցել մրցակիցներից և իր տեղը գրավել «երազանքի թիմում»:

Մինչև 97 կգ քաշային կարգում մասնակցել են երկու հայ ըմբիշներ՝ Արթուր Ալեքսանյանը և Ռուսաստանի կազմում հանդես եկող Արթուր Սարգսյանը:

Ընտրությունը կատարվել է 2025 թվականի աշխարհի առաջնության մասնակիցների շրջանում UWW-ի բաժանորդների քվեարկության հիման վրա։