Մարգարիտա Սիմոնյանն ամուսնու մահից հետո առաջին անգամ հրապարակային ելույթ է ունեցել

Մարգարիտա Սիմոնյանն ամուսնու՝ Տիգրան Քեոսայանի մահից հետո առաջին անգամ հրապարակային ելույթ է ունեցել։ Russia Today-ի 20-ամյակին նվիրված արարողության ժամանակ, նախագահ Պուտինի ներկայությամբ, նա խոնարհվել է RT-ի աշխատակիցների առջև։

«Մեր աշխատակիցները հազարավոր մարդիկ են, ովքեր իրենց կյանքը վտանգի են ենթարկում։ Հիշում եմ, երբ դուք ինձ 20 տարի առաջ նշանակեցիք, ինձ թվում էր, թե աշխարհը խելագարվել է։ Գլխավոր նպատակը դարձավ չխայտառակվելը։ Անհնար էր պատկերացնել, որ այս ամենը նախ կստեղծվի, և երկրորդ՝ կվերածվի այդքան հսկայական մեքենայի»,- ասել է նա։

Պուտինը նշել է, որ RT-ի շնորհիվ աշխարհը իմացավ, որ Ռուսաստանը պաշտպանում է ավանդական արժեքները։ Ռուսաստանի նախագահը շնորհակալություն է հայտնել RT-ի և Sputnik-ի գլխավոր խմբագրին քաջության և տոկունության համար։