Մարգարիտա Սիմոնյանը պատմել է իր հորեղբոր՝ Կուրսկի ճակատամարտի մասնակից Արամ Մարգարյանի և փրկված աղջկա պատմությունը

«81 տարի առաջ սկսվեց Կուրսկի ճակատամարտը, որին մասնակցել է մեծ հորեղբայրս՝ Արամ Մարգարյանը։ Արամը պատմել է, թե ինչպես է Բելգորոդի մերձակայքում գտնվող Յակովլևո գյուղում իրենց դասակը փրկել փոքրիկ աղջկան։ Պարզապես կարդացեք այս հուզիչ պատմությունը։

Իսկ պատմությունը հետևյալն է․

Հարևան խրճիթից դուրս է վազում մեր դասակի հրամանատարը՝ կրծքին սեղմելով փոքրիկ լացող երեխային։ Ամբողջ դեմքն ու վերմակը, որի մեջ երեխան փաթաթված էր, արյան մեջ էին: Դողացող ձայնով վաշտի հրամանատարը բղավում է․ «Ստուգեք բոլոր նկուղները, նկուղները, գոմերը: Ստուգեք բոլոր նկուղները, գոմերը․ գտեք երեխայի մորը: Գտե՛ք նրան»։ Դառնալով գերի ընկած գերմանացիներին՝ նա բարկացած բղավում է․ «Անիծվե՛ք ձեր Հիտլերի հետ»։

Վերջին խոսքերը չավարտած՝ հրամանատարը սկսում է արտասվել։ Մենք՝ նրա զինվորներս, ցնցված էինք․․․ Երեխան լաց էր լինում, մեր աչքերից առատ արցունքներ էին հոսում։ Այդ ժամանակ բոլոր զինվորները լաց եղան։ Երեք գերմանացիներ՝ վիրավորներ, նույնպես սկսեցին լաց լինել։ Դասակի հրամանատարն ինձ հանձնեց երեխային, որը կարծես երկու-երեք տարեկան էր։ Ես այն ժամանակ չգիտեի՝ տղա՞ էր, թե՞ աղջիկ։ Փոքրիկ, գեղեցիկ, լացող…

Եվ քանի որ ես նույնպես վիրավոր էի, դասակի հրամանատարը հրամայեց. «Մարգարյան, երեխայի հետ գնացեք բուժկետ։ Հետևեք, որ անհրաժեշտ օգնություն ցուցաբերեն»։ 60 երկար տարիներ, այս դրվագը հիշելով, կասկածում էի, թե արդյոք այդ երեխան ողջ է մնացել»,- հորեղբոր պատմությունը վերհիշել է Մարգարիտա Սիմոնյանը։

Նա նաև նշել է, որ 60 տարի անց Արամը գտել է նրան. աղջիկ Նինան փրկվել էր և այս տարիների ընթացքում նա նույնպես փնտրել է Արամին։ Լուսանկարում պատկերված է նրանց հանդիպումը։