Մարիաննա Հարությունովա․ Սիրված հեքիաթների հերոսուհին

Alpha News-ը շարունակում է ներկայացնել «Ալֆա պերսոնա» շարքը:

Օգոստոսի 29-ը դերասանուհի Մարիաննա Հարությունովայի ծննդյան օրն է:

Ծնվել է 1991 թվականի օգոստոսի 29-ին Դոնի Ռոստովում։ Հարությունովան ավարտել է Սանկտ Պետերբուրգի մշակույթի և արվեստի պետական համալսարանի Ռոստովի մասնաճյուղը, իսկ 2012 թվականից աշխատում է Ռոստովի դրամատիկական թատրոնում:

Նրա առաջին գլխավոր դերը «Ինչպես սպանեցինք քեռի Վանյանին» ներկայացման մեջ էր, որտեղ Մարիաննան մարմնավորում էր մի երիտասարդ աղջկա, որն անցնում է կյանքի դժվարին պայմաններում մեծանալու իր ճանապարհը:

«Խենթ սեր Ստեպանչիկովո գյուղում» ներկայացման մեջ դերասանուհին հիանալի մարմնավորել է Սաշենկայի՝ նուրբ դեռահասի դերը, ով ըմբոստացել է կեղծավորության և անարդարության դեմ։

Պետք է նշել, որ Հարությունովան հիանալի կերպով հարմարվում է ցանկացած դերի և հիանալի կատարում է ռեժիսորի առաջադրած խնդիրը։

Ռոստովի թատրոնն առանց Մարիաննայի չի ներկայացնում թատրոնի մանկական խաղացանկի մեծ մասը, քանի որ նա «Քմահաճ արքայադուստրը», «Արքայադուստրը սիսեռահատիկի վրա», «Դիմակահանդես Մոխրոտիկի համար» և այլ ներկայացումների գլխավոր հերոսն է, և այս ցանկը կարելի է երկար շարունակել։

2017 թվականին Մարիաննան դարձել է «Բրավո» անկախ դերասանական աշխատանքների մրցույթի՝ «Փորձ» անվանակարգի հաղթող։