Մարմնամարզիկ Արթուր Դավթյանը` World Challenge Cup-ի հաղթող
12 Հունիսի 2023, 08:45
Հայաստանի մարմնամարզության առաջատար Արթուր Դավթյանը հերթական ոսկե մեդալը նվաճեց միջազգային ասպարեզում:
Խորվաթիայի Օսիյեկ քաղաքում կայացած սպորտային մարմնամարզության World Challenge Cup-ի մրցումների հենացատկում մեր մարզիկը երկու փորձի արդյունքում վաստակեց 15,033 միավոր և գրավեց առաջին տեղը: Երեկ նա նժույգ թափի մրցումներում նվաճել էր արծաթ մեդալ:
Այսօր հանդես կգան նաև մեր մյուս երկու մարզիկները` Արթուր Ավետիսյանը և Արթուր Թովմասյանը, որոնք մտել են օղակներով վարժության եզրափակիչ:
Հիմա եթերում
