Մայր Աթոռում նոր նշանակումներ են կատարվել

Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի հայրապետական տնօրինությամբ կատարվել են նորաօծ եկեղեցականների նշանակումներ:

Արժանապատիվ Տ. Մովսես քահանա Սահակյանը նշանակվել է Մայր Աթոռ Սուրբ Էջմիածնի Դիվանատանը՝ որպես Եկեղեցի-պետություն գրասենյակի պատասխանատու:

Արժանապատիվ Տ. Պետրոս քահանա Կադեյանը ծառայության է կոչվել Հնդկահայոց հոգևոր հովվությունում, իսկ Արժանապատիվ Տ. Հակոբոս քահանա Իսահակյանը՝ Իրաքի հայոց թեմում։