«Մայր Հայաստան» դաշինքը և «Իմ հզոր համայնք» կուսակցությունը պատրաստ են իրենց ձայնը տալ Վարդան Ղուկասյանին
31 Մարտի 2025, 09:45
Երկու ընդդիմադիր ուժերի՝ «Մայր Հայաստան» դաշինքի և «Իմ հզոր համայնք» կուսակցության առաջնորդները՝ Անդրանիկ Թևանյանը և Ռուբեն Մխիթարյանը, հայտարարել են, որ պատրաստ են իրենց ձայնը տալ Գյումրիի նախկին քաղաքապետ, Կոմունիստական կուսակցության թեկնածու Վարդան Ղուկասյանին:
«Գնդակը այժմ այլ ընդդիմադիր ուժերի դաշտում է»,- նշել է Թևանյանը։
«Պատրաստ եմ մեր ավագանիների կազմով առանց որևէ նախապայմանի, առանց որևէ պաշտոնի հավակնելու քվեարկել գյումրեցիների կողմից առավելագույն ձայներ ստացած քաղաքապետի ընդդիմադիր թեկնածու Վարդան Ղուկասյանի օգտին, քանի որ առաջադրվելուց ես ձեզ խոստացել էի` չհաղթելու դեպքում սատարելու եմ գյումրեցիների առավել շատ քվեները ստացած քաղաքապետի ընդդիմադիր թեկնածուին»,- գրել է Մխիթարյանը։
Հիմա եթերում
