Մեկնարկել է «Հուսո առագաստ 2023» հեղինակային երգի ամենամյա միջազգային փառատոնը
30 Մայիսի 2023, 00:00
![](https://media.alphanews.am/wp-content/uploads/2023/05/29174054/1112053.jpg)
«Սիվիլ արտ» մշակութային հասարակական կազմակերպությունը, «Բարդերի ակումբ» ստեղծագործական միավորումը և ՀՀ Կրթության, գիտության, մշակույթի և սպորտի նախարարությունը արդեն 8-րդ անգամ մեկնարկել են «Հուսո առագաստ 2023» հեղինակային երգի ամենամյա միջազգային փառատոնը:
![294779337_531198888801470_5692553330862015732_n.jpg (545 KB)](https://armenpress.am/static/aStarmus/covid/mcith/tatron/Manuel/new/NewFolder/zareh/01/tbilisi/aryunabanakan/tatron/Konyak/tbilisi/dog/294779337_531198888801470_5692553330862015732_n.jpg)
Այս տարի փառատոնն ընթանալու է 3 փուլով՝ նախընտրական, ընտրական և սևանյան:
Նախընտրական փուլի ընթացքում կընդունվեն հայտերը, որի վերջնաժամկետն է հունիսի 20-ը։ Ի դեպ, անցած տարվանից դիմել կարող են ինչպես հեղինակ-կատարողները, այնպես էլ այլ հեղինակների ստեղծագործությունները սեփական մեկնաբանությամբ կատարող անձինք։
![294596976_531203108801048_6119331252194807529_n.jpg (330 KB)](https://armenpress.am/static/aStarmus/covid/mcith/tatron/Manuel/new/NewFolder/zareh/01/tbilisi/aryunabanakan/tatron/Konyak/tbilisi/dog/294596976_531203108801048_6119331252194807529_n.jpg)
Նախնական ընտրությունն անցած հայտատուները կմասնակցեն ընտրական փուլին, որը կկայանա հունիսի 30-ին, «Մետրո» թատրոնում։ Համերգի ընթացքում ժյուրին կընտրի լավագույններին, որոնք և հնարավորություն կստանան մասնակցել փառատոնի սևանյան փուլին։
Փառատոնի սևանյան փուլը կներառի երեք համերգային օրեր, որոնք տեղի կունենան հուլիսի 20-23-ը Գեղարքունիքի մարզի Շորժա գյուղին հարակից «WishUp» հանգստյան գոտում։
Ինչպես միշտ, մասնակիցների կացության և սննդի ծախսերը կապահովեն փառատոնի կազմակերպիչները: Առաջին օրը հանդես կգա 2023 թվականի «Լավագույն տասնյակը» ,երկրորդ օրը՝ արտերկրից ժամանած երգահաններն ու հանրաճանաչ հայ արտիստները։ Վերջին օրը սպասվում է մեծ գալահամերգային ծրագիր, որին կմասնակցեն բոլոր սերունդների երգահանները, ինչպես նաև արտերկրից ժամանած հյուրերը։ Համերգները կամփոփվեն հավաստագրերի, շնորհակալագրերի ու խորհրդանշական նվերների հանձնման հանդիսավոր արարողությամբ։
Փառատոնը կազմակերպվում է 2015 թվականից և հիմնական նպատակներն են սկսնակ հեղինակ-կատարողներին հայտնաբերելը, նրանց ստեղծագործական գործունությունը խթանելը, նրանց բեմ տրամադրելը, ինչպես նաև մշակութային միջավայր ստեղծելը և հեղինակային երգի սիրահարների ու երգահանների միջև շփում ապահովելը։
![294634198_531215262133166_4471754975317137044_n.jpg (213 KB)](https://armenpress.am/static/aStarmus/covid/mcith/tatron/Manuel/new/NewFolder/zareh/01/tbilisi/aryunabanakan/tatron/Konyak/tbilisi/dog/294634198_531215262133166_4471754975317137044_n.jpg)