Մենք պատրաստ կլինենք նրան տեղ առաջարկել թիմում. Արարատ-Արմենիայի գլխավոր տնօրենը՝ Զախարյանի մասին

«Արարատ-Արմենիայի» գլխավոր տնօրեն Պողոս Գալստյանը մեկնաբանել է Մոսկվայի «Դինամոյի» կիսապաշտպան Արսեն Զախարյանի հնարավոր տեղափոխությունը Հայաստանի առաջնության ակումբ։

«Մեր առաջնության համար Զախարյանն արդեն մեծ աստղ է։ Իհարկե, եթե նա որոշի խաղալ Հայաստանում, ապա բոլորս միայն ուրախ կլինենք։ Դա տոն կլիներ մեր ֆուտբոլի համար։ Այստեղից իսկապես ավելի հարմար կլինի մեկնել Եվրոպա։ Շատ հետաքրքիր է, թե դրանից ինչ կարող է ստացվել:

Մենք պատրաստ կլինենք նրան տեղ առաջարկել թիմում, եթե նա հայտարարի Հայաստանի առաջնությունում խաղալու ցանկության մասին։ Իհարկե, Զախարյանի համար մենք անմիջապես կկազմակերպենք ամեն ինչ»,- ասել է Գալստյանը Sport24-ի թղթակից Բորիս Մեշկովին տված հարցազրույցում։

Նախորդ մրցաշրջանում 20-ամյա Արսեն Զախարյանը «Դինամոյի» կազմում անցկացրել է 37 հանդիպում, դարձել 5 գոլի և 10 գոլային փոխանցման հեղինակ։