Մեր ժողովուրդն այլևս Հայրենիք փնտրելու կարիք չունի, Հայրենիքը գտնվել է. Փաշինյան
28 Մայիսի 2025, 11:58
Երևանը և Բաքուն երկկողմ խորհրդակցություններ են անցկացնում՝ համաձայնեցնելու խաղաղության պայմանագրի ստորագրման ժամկետները և հստակեցնելու որոշ հանգամանքներ։ Այս մասին Սարդարապատում Առաջին Հանրապետության օրվա առթիվ կազմակերպված միջոցառմանն ասել է ՀՀ վարչապետ Նիկոլ Փաշինյանը։
«Մեր ժողովուրդն այլևս Հայրենիք փնտրելու կարիք չունի, Հայրենիքը գտնվել է։ Այսօր մենք ավելի քան երբևէ պետություն ենք, ավելի քան երբևէ ինքնիշխան ենք: 29 743 քառակուսի կիլոմետր տարածքով ՀՀ-ն մեր ժողովրդի ոչ թե կորուստների, այլ ձեռքբերումների արտահայտություն է»,-հավելել է նա։
Մեկնաբանելով Հայաստանի և Ադրբեջանի հարաբերությունները՝ Փաշինյանը հայտարարել է, որ Երևանն ու Բաքուն երկկողմ խորհրդակցություններ են անցկացնում՝ համաձայնեցնելու խաղաղության պայմանագրի ստորագրման ժամկետները և հստակեցնելու որոշ հանգամանքներ։
Նա նշել է, որ ակտիվ երկխոսություն է ընթանում նաև Թուրքիայի հետ։
Հիմա եթերում
