Մետաքսյա Սիմոնյանի, Էլվինա Մակարյանի, Վարդուհի Վարդերեսյանի անուններով փողոցներ կունենանք

Երևանի ավագանին առաջարկում է մայրաքաղաքում մի շարք փողոցներ անվանակոչել հայտնի անձանց անուններով։ Մասնավորապես.

• Երևան քաղաքի Աջափնյակ վարչական շրջանի` Մազմանյան փողոցին զուգահեռ, Մազմանյան փողոցից սկսվող Բաշինջաղյան փողոցով ավարտվող փողոցն անվանակոչել դերասանուհի, ՀԽՍՀ և ԽՍՀՄ ժողովրդական արտիստուհի Մետաքսյա Սիմոնյանի անվամբ ՝ «Մետաքսյա Սիմոնյան փողոց»:
• Երևան քաղաքի Շենգավիթ վարչական շրջանի Ներքին Շենգավիթի 10-րդ փողոցն (սկսվում է Հովհաննես Գրիգորյան փողոցից հասնում՝ Ներքին Շենգավիթի 10-րդ փողոցի հ.36 հասցե) անվանակոչել հայ երգչուհի, երգահան Էլվինա Մակարյանի անվամբ` «Էլվինա Մակարյան փողոց»:
• Երևան քաղաքի Աջափնյակ վարչական շրջանի Աբելյան փողոցին զուգահեռ`Հալաբյան֊Շինարարներ ընկած փողոցն անվանակոչել դերասանուհի, Երևանի պատվավոր քաղաքացի, ԽՍՀՄ և ՀԽՍՀ ժողովրդական արտիստ Վարդուհի Վարդերեսյանի անվամբ` «Վարդուհի Վարդերեսյան փողոց»:

Ավագանու նիստը տեղի կունենա մայիսի 23-ին։