Միանում ենք հայերին` տուրք մատուցելով Սումգայիթում զոհերի հիշատակին. ԱՄՆ դեսպանություն
27 Փետրվարի 2025, 11:51
ՀՀ-ում ԱՄՆ դեսպանությունը հաղորդագրություն է տարածել՝ նշելով.
«Այսօր մենք միանում ենք հայերին՝ սգալով և տուրք մատուցելով 1988 թ․ Սումգայիթում զոհ գնացածների հիշատակին»:
1988թ. փետրվարի 27-ին Խորհրդային Ադրբեջանի ղեկավարության նախաձեռնությամբ և բացարձակ թողտվության պայմաններում մեկնարկեցին Սումգայիթի հայ բնակչության ջարդերը, որոնք ուղեկցվեցին բռնությունների, դաժանությունների, բռնի անհետացումների, ունեզրկման, մարդու իրավունքների զանգվածային ոտնահարումների դեպքերով:
Սպանվեցին հարյուրավոր հայեր, այդ թվում՝ կանայք, երեխաներ և ծերեր, իսկ հազարավոր հայեր բռնի տեղահանվեցին:
Հիմա եթերում
