Մոլդովայի երգի մրցույթից Հայաստանի պատվիրակությունը վերադառնում է 2 մրցանակով
04 Հուլիսի 2023, 11:43
Հունիսի 29-ից հուլիսի 3-ը Մոլդովայի Հանրապետության Քիշնև քաղաքում տեղի է ունեցել «Radient Ray of music» երգի միջազգային մրցույթը, որտեղ այս տարի մասնակցում էին 12 երկիր՝ Հայաստան, Մոլդովա, Ուկրաինա, Բուլղարիա, Լատվիա, Լիտվա, Էստոնիա, Իտալիա, Ղազախստան, Իսրայել, Բոսնիա և Հերցեգովինա:
Միջազգային հեղինակավոր այս մրցույթում Հայաստանը ներկայացնող երկու պատվիրակները՝ Նարեկ Ասատրյանը և Կարինե Վարդանյանը փայլուն ելույթ են ունեցել։ Երկու մրցութային օրերի արդյունքում՝ Նարեկ Ասատրյանը, ժյուրիի բացարձակ առավելագույն միավորները վաստակելով արժանացել է մրցույթի գլխավոր մրցանակին։ Իսկ Կարինե Վարդանյանը՝ 3-րդ մրցանակի:
Շառլ Ազնավուրի անվան մշակույթի և արվեստի պետական քոլեջը հայտնում է, որ այս պահին էլ հայաստանյան պատվիրակությունը գտնվում է Մոլդովայում։
Մեր պատվիրակների հաղթանակի մասին առավել մանրամասն տեղեկատվություն կներկայացնենք Հայաստան վերադարձից հետո։
Հիմա եթերում
