Մոսկվայում տեղի կունենա «Գեղանկարչական լուծումները Ռոբերտ Սահակյանցի մուլտֆիլմերում» դասախոսությունը

Դեկտեմբերի 5-ին՝ ժամը 19:00-ին, Մոսկվայի հայկական թանգարանում տեղի կունենա Մոսկվայի Գերասիմովի անվան կինեմատոգրաֆիայի համառուսական պետական ինստիտուտի, Կինոյի և հեռուստատեսության ինստիտուտի դասախոս, Մոսկվայի նկարիչների միության անդամ Անդրեյ Նովոժիլովի «Գեղանկարչական լուծումները Ռոբերտ Սահակյանցի մուլտֆիլմերում» խորագրով դասախոսությունը։

Խորհրդային և հայ ռեժիսոր, մուլտիպլիկատոր, ՀՀ ժողովրդական արտիստ Ռոբերտ Սահակյանցի մուլտֆիլմերն ապրում են իրենց կյանքով, անվերջ հոսում ու փոխվում իրենց ներսում։ Նրանց պատկերները փոփոխական են, իսկ փոխաբերությունները՝ անսպասելի։

Դասախոսության ընթացքում Նովոժիլովը կփորձի պատասխանել այն հարցերին, թե ինչպես են կառուցված Սահակյանցի մուլտֆիլմերը, ինչպես է նրա աշխատանքը տեղավորվում համաշխարհային անիմացիայի համատեքստում, և ինչով է այն յուրահատուկ ու անսովոր։