Մոսկվայում կհնչեն Առնո Բաբաջանյանի և Արամ Խաչատրյանի դաշնամուրային ստեղծագործությունները

Մոսկվայի Գիլյարովսկու կենտրոնում տեղի կունենա դաշնամուրային երաժշտության երեկո, որի ընթացքում ելույթ կունենան Գնեսինների անվան ռուսական երաժշտական ակադեմիայի շրջանավարտ Տիգրան Պետրոսյանը և ուսանող Զախար Վաշչենկոն։

Դաշնակահարների կատարմամբ կհնչեն Առնո Բաբաջանյանի, Արամ Խաչատրյանի, Սերգեյ Ռախմանինովի և Ֆրեդերիկ Շոպենի դաշնամուրային ստեղծագործությունները: Համերգը կվարի Մոսկվայի թանգարանի գիտական քարտուղար Նատալյա Կատոնովան։

Տիգրան Պետրոսյանը Երևանի Կոմիտասի անվան պետական կոնսերվատորիայի և Ռուսաստանի Գնեսինների անվան երաժշտական ակադեմիայի շրջանավարտ է, ՀՀ նախագահի մրցանակի և մի շարք միջազգային մրցույթների դափնեկիր: