Մոսկվայում տեղի կունենա «Հայորդիք» անսամբլի հոբելյանական համերգը
17 Ապրիլի 2024, 20:20
![](https://media.alphanews.am/wp-content/uploads/2024/04/17130515/photo_2024-04-16_19-38-54.jpg)
Հունիսի 1-ին Կապոտնյա մշակույթի տանը տեղի կունենա հոբելյանական համերգ՝ նվիրված հայ երգի-պարի «Հայորդիք» անսամբլի 25-ամյակին։ Այս մասին հայտնում է անսամբլի պաշտոնական տելեգրամյան ալիքը։
Համերգի ընթացքում խումբը կներկայացնի իր ստեղծագործական ուղին պարի և երգի աշխարհում։ Գեղարվեստական ղեկավարն է միջազգային մրցանակակիր Անահիտ Սարգսյանը։
Ստեղծվելով 1998 թվականին Մոսկվայում՝ «Հայորդիք»-ը ավելի քան 12 տարի բեմ է դուրս գալիս Ռուսաստանում, Հայաստանում և արտասահմանում։ Ստեղծագործական նման երկարակեցության գաղտնիքը, ըստ անսամբլի ղեկավարի, պրոֆեսիոնալիզմի, կարգապահության և հայկական մշակույթի հանդեպ սիրո մեջ է։