«Մսյո Ազնավուր» ֆիլմի ցուցադրությունը՝ Պրահայում

Նոյեմբերի 21-27-ը Պրահայում անցկացվող Ֆրանսիական ֆիլմերի 27-րդ կինոփառատոնի բացումը կատարվել է Չեխիայի մայրաքաղաքի ամենագեղեցիկ կինոդահլիճներից մեկում՝ Լյուցեռնայում՝ «Մսյո Ազնավուր» ֆիլմի չեխական պրեմիերայով։ Ֆիլմը դիտել է 2 միլիոնից ավելի մարդ։

Փառատոնի շրջանակներում Ազնավուրին նվիրված հատուկ բաժնի շրջանակում կցուցադրվեն նրա մասնակցությամբ Ֆրանսուա Տրյուֆոյի հայտնի ֆիլմը՝« Կրակեք դաշնակահարին»-ը եւ 2019թ արտադրության «Ազնավուրը եւ նրա աշխարհը» փաստավավերագրական ֆիլմը։

Կինոփառատոնի ընթացքում ցուցադրվելու է 47 ֆրանսիական ֆիլմ, որոնցից մեծ մասը միջազգային կինոփառատոներում հաղթած ֆիլմեր են։

Ֆրանսիական ֆիլմերի կինոփառատոնի գլխավոր ազդագրերի վրա Ազնավուրի ֆիլմի լուսանկարն էր, ինչը ազդարարում էր փառատոնի գլխավոր ֆիլմի կարեւորությունը։