Նարինե Գրիգորյանի «Գոմեշը» մոնոներկայացմամբ կմեկնարկի Չեխովի անվան թատերական փառատոնը

Ա.Պ. Չեխովի անվան միջազգային թատերական փառատոնն այս տարի կբացի ՀՀ վաստակավոր արտիստ, Համազգային թատրոնի գեղարվեստական ղեկավար Նարինե Գրիգորյանը՝ «Գոմեշը» մոնոներկայացմամբ։ Այն կներկայացվի հունիսի 17-ին և 18-ին։
Նշենք, որ Չեխովի անվան միջազգային թատերական փառատոնը Ռուսաստանում անցկացվում է 1992 թվականից։

Նարինե Գրիգորյանի «Գոմեշը» ներկայացման հիմքում Հրանտ Մաթևոսյանի համանուն ստեղծագործությունն է: Այն պատմում է մի կնոջ մասին, որ գոմեշի պես հաղթահարում է բոլոր խոչընդոտները:

Ներկայացման պրեմիերան կայացել է 2020 թվականին։ Հայաստանի տաղանդավոր դերասանուհիներից մեկի՝ Նարինե Գրիգորյանի բեմադրությամբ «Գոմեշը» արժանացել է քննադատների բարձր գնահատականին, իսկ 2022 թ-ին Բրեստում անցկացված «Բելայա վեժա» XXVI միջազգային փառատոնում ստացել է մրցանակ «Լավագույն մոնոներկայացում» անվանակարգում։