Թուրքիայի ծանրամարտի ֆեդերացիայի բողոքի պատճառով Նազիկ Ավդալյանը պահեստային մրցավար է
07 Հուլիսի 2023, 17:32
Երեկ թուրքական եւ ադրբեջանական ԶԼՄ-ը տեսանյութ էին տարածել, որում Մոլդովայում ընթացող ծանրամարտի պատանեկան առաջնության ժամանակ Աշխարհի ու Եվրոպայի չեմպիոն, մրցաշարի մրցավար Նազիկ Ավդալյանը կքանստած է Թուրքիայի օրհներգը հնչելու ժամանակ:
Mediamax Sport-ին Ավդալյանը հայտնել է, որ հիմա առաջնությունում պահեստային մրցավար է:
«Տեղափոխել են ռեզերվ, քանի որ ըստ ինձ հասած տվյալների՝ Թուրքիայի ծանրամարտի ֆեդերացիան բողոքել է։ Չգիտեմ, թե հետո ինչ կլինի։ Իսկ առհասարակ, ոչ միայն այս հարցի հետ կապված, ես ինչպես հաղթանակներն եմ արժանապատիվ ընդունում, այնպես էլ՝ հարվածները: Ինձ մոտ ամեն ինչ լավ է»,- նշել է Ավդալյանը:
Չնայած թուրքական ԶԼՄ-ում Ավդալյանի քայլը որակում են որպես միտումնավոր, սակայն իրականում նա օրհներգի ընթացքում կանգնած վիճակից կքանստել է, որպեսզի պատասխանի որդուց ստացած կարեւոր հաղորդագրությանը:
Հիմա եթերում
