Նիկոլ Փաշինյանի ինքնաթիռը չի կարողացել վայրէջք կատարել Մոսկվայում
11 Դեկտեմբերի 2025, 11:28
ՀՀ վարչապետ Նիկոլ Փաշինյանի ACJ319 ինքնաթիռը չի կարողացել վայրէջք կատարել Մոսկվայում՝ փակ օդային տարածքի պատճառով, և վայրէջք է կատարել այլընտրանքային օդանավակայանում։ Ինքնաթիռը գրեթե մեկ ժամ պտտվել է Տվերի մարզի վրայով՝ սպասելով վայրէջքի թույլտվության, բայց այդպես էլ չի ստացվել։
Արդյունքում, Հայաստանի վարչապետի ինքնաթիռը ստիպված է եղել ուղղություն վերցնել դեպի Սանկտ Պետերբուրգի «Պուլկովո» օդանավակայան, որտեղ այն վայրէջք է կատարել մոտավորապես ժամը 01:00-ին:
Փաշինյանը Մոսկվա էր թռչում Գերմանիա կատարած այցից հետո և պատրաստվում էր մասնակցել ԵԱՏՄ միջկառավարական խորհրդի նիստին:
Հիմա եթերում
