Նովոռոսիյսկում բժիշկ Դավիթ Շահինյանը փրկել է 2-ամյա երեխայի կյանքը

Նովոռոսիյսկում 2-ամյա աղջիկը մեծ եղբոր հետ խաղալիս պտուտակ է կուլ տվել։ Երեխային տեղափոխել են 1-ին քաղաքային հիվանդանոցի էնդոսկոպիկ բաժանմունք։ Վիրահատությունը բարդ էր՝ սուր առարկայով ստամոքսը կամ կերակրափողը վնասելու ռիսկի պատճառով:

Բաժանմունքի վարիչ Դավիթ Շահինյանը ոսկերչական ճշգրտությամբ հանել է պտուտակը՝ հատուկ գործիքով բռնելով գլխիկից՝ վնասվածքներից խուսափելու համար:

Հիվանդանոցի մամուլի ծառայությունը հայտնել է, որ երեխան իրեն լավ է զգում։