Նովոռոսիյսկում հայկական թիմերի մասնակցությամբ մինի-ֆուտբոլի մրցաշար է անցկացվել
17 Ապրիլի 2025, 15:38
Ռաևսկայա ավանում անցկացվել է մինի-ֆուտբոլի մրցաշար՝ նվիրված 1915 թվականի Հայոց ցեղասպանության զոհերի հիշատակին:
«Այս մրցաշարը դարձել է ոչ միայն մարզական իրադարձություն, այլև իսկական ավանդույթ, որը միավորում է մարդկանց և իր մեջ խոր իմաստ է կրում։ Այն հարգանքի տուրք է անմեղ զոհերի հիշատակին՝ հիշեցնելով, որ մենք հիշում ենք, երբեք չենք մոռանա և չենք ների», — նշում է «Լույս» հայկական ընկերության տելեգրամյան ալիքը։
Միջոցառման բացումը տեղի է ունեցել «Լույս» հայկական ընկերության նախագահ Վլադիմիր Մխիթարյանի և «Մեր վերածնունդը» հայկական համայնքի ղեկավար, գեներալ-մայոր Արմեն Լալայանի մասնակցությամբ:
Մրցումներին մասնակցում էին թիմեր տարբեր քաղաքներից և մարզերից: Նրանց թվում էին Անապայի «Մոնթե» և «Արցախ» թիմերը, Մոսկվայի «Շահումյան» թիմը: Մրցաշարը բացվել է մեկ րոպե լռությամբ: Բացման արարողությանը մասնակցել է նաև «Ախթամար» համույթը:
Հիմա եթերում
