Նովոսիբիրսկի մարզի Կրասնոբսկ գյուղում գտել են Գեորգի Ֆրանգուլյանի մոնումենտալ ֆիգուրի գիպսե մակետը

Նովոսիբիրսկի մարզի գիտական ինստիտուտի աշխատակիցները գույքագրման ժամանակ հայտնաբերել են մոնումենտալ ֆիգուրի գիպսե մակետը, որի հեղինակը հայտնի հայ քանդակագործ Գեորգի Ֆրանգուլյանն է: Կես դար անց կորած քանդակը կվերականգնվի։

Ժողովրդի շրջանում քանդակը հայտնի էր որպես «մտքի թռիչք»։ Սա Գեորգի Ֆրանգուլյանի քանդակներից առաջինն է, որը պետք է զարդարեր Կրասնոբսկը։ Այն պետք է լրացներ մոնումենտալ աշխատանքների շարքը։

Տեղադրման համար բավարար գումար չի եղել, և քանդակը ծածկել են պաշտպանիչ տաղավարով։ Մի քանի տարի անց հայտնաբերեցին, որ պղինձը գողացել են, մնացել է միայն կմախքը։ Այն ժամանակ չէին էլ կարող ենթադրել, որ կես դար անց կգտնեն կորած հուշարձանի գիպսե մակետը։

Ինստիտուտի ավագ սերունդը գիպսի բեկորներում ճանաչել է արվեստի գործը։ Նրանք հավաքել են ավերված մասերը և կապ հաստատել Մոսկվայում բնակվող հեղինակի հետ։