Նովոսիբիրսկում հայկական մշակութային կենտրոն կկառուցվի

Հունիսի 6-ին Նովոսիբիրսկի փոխքաղաքապետ Մաքսիմ Օստանինն այցելել է տեղի Սուրբ Աստվածածին հայկական եկեղեցի։

Եկեղեցու առաջնորդ Գրիգոր քահանա Բեկնազարյանը ողջունել է հյուրին և փոխանցել Հայ առաքելական եկեղեցու Ռուսաստանի և Նոր Նախիջևանի թեմի առաջնորդ Եզրաս արքեպիսկոպոս Ներսիսյանի օրհնությունը, ինչպես նաև շնորհակալություն հայտնել հայ համայնքի և Նովոսիբիրսկի հայկական եկեղեցու նկատմամբ ցուցաբերած հատուկ ուշադրության և ջերմ վերաբերմունքի համար։

Զրույցի ընթացքում պայմանավորվածություն է ձեռք բերվել հայկական եկեղեցու տարածքում մշակութային կենտրոն կառուցել: