«Նռենի» և «Belcanto» վոկալ համույթներն արժանացել են Սոչիի փառատոնի Գրան պրիին
31 Մարտի 2025, 14:28
Սոչի քաղաքում մարտի 25-ից 30-ը տեղի է ունեցել երիտասարդ կատարողների «Բյուրեղյա մագնոլիա» միջազգային փառատոնը։
Մրցույթն անցկացվել է մի քանի փուլով: Մրցանակները շնորհվել են 9 անվանակարգում ` վոկալ, խորեոգրաֆիա, դերասանական վարպետություն, դեկորատիվ-կիրառական արվեստ, Կինո, նորաձևություն։ Միջոցառման շրջանակներում անցկացվել են նաև վարպետության դասեր, էքսկուրսիաներ, նկարիչների ցուցահանդեսներ:
Ձմեռային թատրոնում մարտի 30-ին տեղի է ունեցել մրցանակաբաշխության արարողությունն ու գալա համերգ: Գրան պրիի դափնեկիրներ են դարձել «Նռենի» համույթը («Ժողովրդական վոկալ» անվանակարգում, ղեկավար՝ Ռիմա Պապոյան) և «Belcanto» վոկալ համույթի մենակատար Գարրի Պողոսյանը («Ակադեմիական վոկալ» անվանակարգում, ղեկավար՝ Դիանա Ֆեոկտիստովա):
«Գործիքային ժանր» անվանակարգում էլ առաջին աստիճանի դափնեկիր է դարձել «Երևան» հարվածային գործիքների անսամբլը (ղեկավար՝ Սերգեյ Պողոսյան):
Փառատոնի ավարտից հետո «Նռենի» համույթը և «Belcanto»-ի մենակատար Գարրի Պողոսյանը կմասնակցեն Մոսկվայում կայանալիք «Բյուրեղյա մագնոլիա» փառատոնին։
Ընդհանուր առմամբ, մրցույթին մասնակցել է 5-ից 25 տարեկան ավելի քան 300 արտիստ։
Հիմա եթերում
