Նյու Յորքի Մետրոպոլիտեն թանգարանը Այվազովսկուն հայ նկարիչ է անվանել

Նյու Յորքի Մետրոպոլիտեն թանգարանն իր կայքում փոխել է մակագրությունը նկարիչ Իվան Այվազովսկու (ծնված Հովհաննես Այվազյան, 1817-1900) «Նավը լուսնի լույսի տակ» կտավի վրա, որը ցուցադրվել է նրա հավաքածուում։

«Հայ, ծնված Ռուսական կայսրությունում (այժմ՝ Ուկրաինա)»,- ասվում է նկարի մակագրության մեջ, գրում է РБК-ն։

Այվազովսկին ծնվել է Ղրիմում։

2021 թվականի դեկտեմբերին էջի վրա նկարի վերնագիր չկար, և նկարիչը նշված էր որպես ռուս։

Այնուամենայնիվ, 2023 թվականի փետրվարի 12-ին թանգարանը փոխեց անոտացիան՝ Այվազովսկուն անվանեցին ուկրաինացի նկարիչ։

Տարածաշրջանային հայկական ազգային-մշակութային ինքնավարության նախագահ Գեորգի Հակոբյանը Krym 24-ի եթերում ասել է, որ Ղրիմի հայ համայնքը միանշանակ դիրքորոշում ունի. նա ոչ մի կերպ չի կարող լինել ուկրաինացի: