Ոչ թե Արցախում են խեղճ վիճակում, այլ մենք ենք խեղճը
25 Հուլիսի 2023, 11:22
Հուլիսի 22-ին Գլենդել Գալերիայի մոտ մի խումբ հայեր ակցիա էին անցկացրել՝ ի պաշտպանություն 7 ամսից ավելի շրջափակման մեջ գտնվող Արցախի երեխաների և մայրերի: Ակցիայի կազմակերպիչներից Լաուրա Գրիգորյանը և Սիրանուշ Զաքարյանը հյուրընկալվեցին AlphaNews-ի տաղավարում՝ մանրամասներ ներկայացնելով իրենց նախաձեռնության մասին։
Նրանք նշեցին, որ ակցիայի նկատմամբ հետաքրքրությունը մեծանում է։ «Առաջին ակցիայի ժամանակ ես էի, երեխաս ու ընկերուհիս»,-պատմեց Սիրանուշ Զաքարյանը՝ նշելով, որ հաջորդ ակցիային երեք հոգին դարձավ երեսուն։
«Մեր հավաքն ինքնաբուխ ստացվեց։ Մենք պետք է ոտքի կանգնենք, արցախցիներն արժանի են։ Մենք նրանց կողքին ենք։ Ոչ թե Արցախում են խեղճ վիճակում, այլ մենք ենք խեղճը»,-իր հերթին ասաց Լաուրա Գրիգորյանը։
Նշենք, որ հաջակցություն շրջափակված Արցախի ակցիաները շարունակական են լինելու։ Հաջորդը սպասվում է հուլիսի 27-ին Լոս Անջելեսի Կարմիր Խաչի գրասենյակի մոտ։ Կազմակերպիչները կոչ են անում միանալ և սատար կանգնել արցախցիներին։
Ամբողջական հարցազրույցը՝ տեսանյութում
Հիմա եթերում
