Օլաֆ Շոլցն Ալիևին հայտնել է ռազմական ուժի կիրառման անթույլատրելիության մասին
05 Հոկտեմբերի 2023, 13:15
![](https://media.alphanews.am/wp-content/uploads/2023/10/05104852/%D5%87%D5%B8%D5%AC%D6%81-2.jpg)
Գերմանիայի կանցլեր Օլաֆ Շոլցը հեռախոսազրույց է ունեցել Ադրբեջանի նախագահ Իլհամ Ալիևի հետ: Զրույցի ընթացքում Շոլցը հայտարարել է ռազմական ուժի կիրառման անթույլատրելիության մասին: Այս մասին լրագրողների հետ հանդիպմանն ասել է ԳԴՀ նախարարների կաբինետի ներկայացուցիչ Կրիստիանե Հոֆմանը:
«Կանցլեր Շոլցը հեռախոսազրույց է ունեցել Ադրբեջանի նախագահ Իլհամ Ալիևի հետ: Նա ընդգծել է, որ Գերմանիայի կառավարությունը վճռականորեն հավատարիմ է Հայաստանի և Ադրբեջանի միջև կայուն խաղաղության հաստատմանը` հիմնված երկու երկրների տարածքային ամբողջականության սկզբունքի վրա, և իրավիճակի` խաղաղ բանակցությունների միջոցով կարգավորմանը: Կանցլերն ընդգծել է ԼՂ-ում իրավիճակի և դրա զարգացման հարցում հնարավոր առավելագույն թափանցիկության կարևորությունը», — ասել է նա: