Օլեգ Աբալյան․Հայկական ծագումով ռուս Հարրի Փոթերը

Alpha News-ը շարունակում է ներկայացնել «Ալֆա պերսոնա» շարքը:

Մարտի 11-ին ռուսական թատրոնի և կինոյի դերասան Օլեգ Աբալյանի ծննդյան օրն է։ Նա դառնում է 42 տարեկան։

Աբալյանը ծնվել է Բաքվում։ Պատանեկությունից սիրել է սպորտը, նույնիսկ լրջորեն զբաղվել է ձեռնամարտով, հաղթել է քաղաքային մրցումներում։ Բայց ճակատագիրը որոշել է ամեն ինչ նրա համար նախապես և բոլորովին այլ ուղղությամբ։

Պատանեկության տարիներին Օլեգը ընտանիքի հետ տեղափոխվել է Սանկտ Պետերբուրգ, որտեղ ընդունվել է Բեմական արվեստի ինստիտուտ՝ Գ.Մ.Կոզլովի կուրս։ Իսկ 2007 թվականից դերասանը պաշտոնապես խաղացել է Լենսովետի անվան թատրոնի բեմում։

Միաժամանակ տաղանդավոր դերասանին հրավիրել են նաև այլ թատրոններ, որոնց հետ նա նույնպես համագործակցել է։

2007 թվականին «Ամբողջ կյանք առջևում է» ներկայացման մեջ Մոմոյի՝ հաջող խաղացած դերի համար Օլեգ Աբալյանն արժանացել է «Ոսկե Սոֆիտ» մրցանակին։

Դերասանի դեբյուտը կինոյում կայացել է 2006 թվականին՝ Ալեքսանդր Խվանի «Գաղտնի հանձնարարություններ» սերիալում։

Դերասանը մեծ ճանաչում է ձեռք բերել Վիկտոր Թաթարսկու «Զետա խումբ 2» սերիալի նկարահանվելուց հետո, որտեղ Աբալյանը խաղացել է համակարգչային հանճար Ռասուլի դերը և արտաքին նմանության շնորհիվ նրան անվանել են «Ռուս Հարրի Փոթեր»։