«Օտար լեզու» առարկայից անց է կացվել միասնական քննություն
13 Հունիսի 2023, 14:20
Այսօր՝ հունիսի 13-ին, Ստեփանակերտի համար 2 և համար 6 դպրոցներում ստեղծված քննական կենտրոններում «Օտար լեզու» առարկայից անց է կացվել միասնական քննություն։
«Արցախպրես»-ի թղթակցի հետ զրույցում ԱՀ ԿԳՄՍ Գնահատման և թեստավորման կենտրոնի ներկայացուցիչ Լուսինե Բարսեղյանն ասել է, որ միասնական քննությանը հայտագրված բոլոր դիմորդները ներկայացել են։
«Կազմակերպչական բոլոր աշխատանքների ավարտից հետո քննությունը մեկնարկել է սահմանված ժամին՝ 09:30-ին, և ընթանում է ըստ կարգի։ Բողոքներ, խախտումներ կամ դժգոհություններ չեն արձանագրվել։ Դիմորդները քննությունից հետո հնարավորություն կունենան պատճենահանելու ձևաթուղթն ու երկու ժամ հետո ԳԹԿ atc.am կայքի միջոցով ստուգելու պատասխանները»,-նշել է Լ. Բարսեղյանը։
Նա հավելել է, որ հաջորդ միասնական քննությունը կկայանա հունիսի 16-ին՝ «Մաթեմատիկա» առարկայից։
Հիմա եթերում
