Պավել Ղուկասով. Հայազգի նավթարդյունաբերողի անունը՝ «Ռուսաստանի գործիչներ» տեղեկագրքում

1906 թ. Սանկտ Պետերբուրգում լույս է տեսել «Ռուսաստանի գործիչներ» տեղեկագիրքը՝ նշանավոր մարդկանց կենսագրություններով: Գրքում պատվավոր տեղ է զբաղեցրել ռուս խոշորագույն նավթարդյունաբերող Պավել Ղուկասովը (Պողոս Ղուկասյանց): 20-րդ դարի սկզբին Պավել, Աբրահամ և Արշակ Ղուկասով եղբայրները բազմաթիվ նավթային ընկերություններ ունեին:

Ղուկասովները ծնվել են Ելիզավետոպոլի նահանգի Շուշի քաղաքում (Արցախ, Լեռնային Ղարաբաղ)։ Նրանք ստացել են ռուսական և եվրոպական կրթություն։

Պավել Ղուկասովը Բաքվում գլխավորել է մի քանի նավթային ընկերություններ՝ դառնալով Ռուսական խոշոր նավթարդյունաբերողներից մեկը։ Սանկտ Պետերբուրգ տեղափոխվելուց հետո Բաքվում նրա շահերը ներկայացնում էր եղբայրը՝ Արշակը։

Աբրահամ Ղուկասովը եղբոր ընկերությունը ներկայացնում էր Եվրոպայում։ 1907 թվականին նա Անգլիայում, այնուհետև Ֆրանսիայում նախաձեռնել է նավթային նավերի կառուցումը, Փարիզում տներ է կառուցել, ռուսերեն հրատարակել ամսագրեր և գրքեր։

Հիշեցնենք, որ Ղուկասովները նշանակալի ներդրում են ունեցել հայ համայնքի բարգավաճման գործում։