Պապիկ Ջավադյանը՝ ըմբշամարտի Եվրոպայի առաջնության բրոնզե մեդալակիր

Կրասնոդարի Օլիմպիական հերթափոխի թիվ 6 մարզադպրոցի սան Պապիկ Ջավադյանը երրորդ տեղն է զբաղեցրել Ալբանիայի մայրաքաղաք Տիրանայում կայացած ըմբշամարտի Եվրոպայի առաջնությունում։ Ջավադյանը հունահռոմեական ոճում հանդես է եկել 60 կգ քաշային կարգում:

Մարզիկը հինգ մենամարտ է անցկացրել, որոնցից չորսը հաջող են անցել։ Նա պարտվել է իսրայելցի մրցակցին, սակայն հաղթել է նախորդ տարի Հայաստանի զինվորականների ըմբշամարտի աշխարհի չեմպիոնին։

Հունահռոմեական ոճի մրցանակների համար պայքարել է 29 երկրի 160 մարզիկ: