Փաշինյանն Ադրբեջանի հետ ցանկացած պայմանով խաղաղության պայմանագիր կստորագրի․ Ալեքսեյ Անպիլոգով

Ռուս քաղաքագետ Ալեքսեյ Անպիլոգովը Alpha News-ի հետ զրույցում մեկնաբանել է Իլհամ Ալիևի հայտարարությունը, թե Ադրբեջանի և Հայաստանի միջև խաղաղության պայմանագրի կնքման համար խոչընդոտներ չկան:

«Ես կարծում եմ, որ այս հայտարարությունը մի կողմից հուսադրող է, քանի որ նշանակում է, որ առնվազն աշխատանքային խմբերը համաձայնեցրել են հայ-ադրբեջանական սահմանի սահմանազատման, սահմանագծման հետ կապված հարցերը։ Մյուս կողմից՝ հասկանալի է, որ սա շատ լուրջ փաստաթուղթ է, և որպես հետևանք՝ մինչ տեքստի հրապարակումը բավական դժվար է դատել, թե ինչ զիջումների պետք է գնա հայկական կողմը։ Դա գրեթե ակնհայտ է, քանի որ Ադրբեջանի նախորդ բոլոր հայտարարությունները նման զիջումներ չէին ենթադրում։

Մասնավորապես, Բաքուն պնդում էր սահմանել մի շարք արտոնություններ սահմանազատման և սահմանագծման հարցում, և անհրաժեշտ է հասկանալ, թե ինչպիսին կլինի արտատարածքային տրանսպորտային միջանցքների կարգավիճակը, որոնց մասին խոսվել է նաև եռակողմ համաձայնագրում Լեռնային Ղարաբաղի շուրջ կարգավորումից հետո, և այդ հարցը պարբերաբար բարձրացվել է հետագայում։ Խոսքն, իհարկե, այսպես կոչված «Զանգեզուրի միջանցքի» մասին է, որը պետք է անցնի Սյունիքի մարզի տարածքով։ Դա նույնպես խաղաղության պայմանագրի կարևոր մասն է», — կարծում է փորձագետը։

Մեկնաբանելով, թե ում ավելի ձեռնտու կլինի առաջիկա խաղաղության պայմանագիրը՝ քաղաքագետը նշում է, որ փոխադարձ պայմանավորվածությունների գլխավոր շահառուն լինելու է Ադրբեջանը:

«Ես կարծում եմ, որ ներկա պահին պայմանագիրն այն նախորդ հռչակագրերում, որոնք հնչել են, իհարկե, ավելի շատ պետք է Ադրբեջանին, քանի որ այդ դեպքում ես չեմ բացառում, որ Ադրբեջանը ներկայիս հայկական իշխանություններից շատ ավելին կստանա, քան կստանար արդար երկկողմ խաղաղության պայմանագրի արդյունքում: Քանի որ ակնհայտ երևում է, որ Փաշինյանի կառավարությունը պատրաստ է ցանկացած պայմանով ստորագրել փաստացի խաղաղության պայմանագիր: Դա շատ լուրջ հարված կլինի Հայաստանի ինքնիշխանությանը:

«Սա խաղաղության պայմանագիր չէ, դա ավելի շուտ երկու երկրների խաղաղ գոյության մասին պայմանագիր է, որոնք Խորհրդային Միության փլուզումից ի վեր բազմաթիվ հարցեր չեն հարթել երկկողմ հարաբերություններում», — ամփոփել է Alpha News-ի զրուցակիցը: