Փաշինյանն ու Ալիևը ՇՀԿ գագաթնաժողովին մասնակցելու հրավեր են ստացել 

ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը հրավիրվել են չինական Տյանցզինում կայանալիք Շանհայի համագործակցության կազմակերպության գագաթնաժողովին։ Այն տեղի կունենա օգոստոսի 31-ից սեպտեմբերի 1-ը և կհամատեղի ավելի քան 20 երկրների առաջնորդների և 10 միջազգային կազմակերպությունների ղեկավարների:

Այս մասին ճեպազրույցի ժամանակ հայտարարել է ՉԺՀ ԱԳ նախարարի օգնական Լյու Բինը: Հուլիսին ՀՀ ԱԳՆ-ը հայտնել էր, որ Երևանը դիմել է կազմակերպությանը անդամակցելու համար։