Փաշինյանը հասկանում է, որ ԱՄՆ-ն իր վերջին հնարավորությունն է. Ալեքսեյ Անպիլոգով

Ռուս քաղաքագետ Ալեքսեյ Անպիլոգովը Alpha News-ի հետ զրույցում մեկնաբանել է, թե ինչ կարելի է ակնկալել Հայաստանի և Ադրբեջանի ղեկավարներ Նիկոլ Փաշինյանի և Իլհամ Ալիևի՝ ԱՄՆ նախագահ Դոնալդ Թրամփի հետ հանդիպումից:

«Թրամփը խաղաղարար լինելու անձնական ցանկություն ունի։ Նա զառանցում է, որ իրեն պետք է խաղաղության մրցանակ շնորհեն։ Սա նրա անձնական կոնֆլիկտն է Բարաք Օբամայի հետ, ով ստացել է խաղաղության այս մրցանակը։ Իսկ Թրամփը, ինչպես նա կարծում է, բացարձակապես սուբյեկտիվ պատճառներով այն դեռ չի ստացել։ Եվ այդ մասին ասել է նրա մամուլի քարտուղարը, որ իր կառավարելու կես տարվա ընթացքում նա գրեթե լուծել է վեց հակամարտություն։

Այսինքն, ես կարծում եմ, որ նա ունի անձնական գործոն, ցանկություն՝ մասնակցելու, ինչպես ինքն է կարծում, Հայաստանի և Ադրբեջանի միջև արդեն գրեթե խաղաղ փուլին մոտեցած հակամարտության լուծմանը», — ասել է Անպիլոգովը։

Փորձագետի կարծիքով՝ Փաշինյանը հասկանում է, որ ԱՄՆ-ն այժմ իր վերջին հնարավորությունն է։

«ԱՄՆ-ը նաև օբյեկտիվ շահեր ունի Անդրկովկասում, քանի որ այն կոնֆիգուրացիայում, որով այժմ առաջարկվում է ավարտել այդ հակամարտությունը, Միացյալ Նահանգների դերը կտրուկ կնվազի։ Այսինքն՝ գլխավոր շահողը հենց Թուրքիան է լինելու, իսկ քանի որ Էրդողանը շատ անկախ քաղաքականություն է վարում, դա, իհարկե, ամերիկացիներին չի գոհացնում: Հետևաբար, այս երկու կետերում կա Միացյալ Նահանգների հիմնական հետաքրքրությունը: Իսկ Փաշինյանը հետաքրքրություն ունի ինչ-որ կերպ ստանալ մեծ տերությունների օգնությունը, քանի որ հասկանում է, որ Միացյալ Նահանգներն այժմ իր վերջին հնարավորությունն է», — եզրափակել է Անպիլոգովը։