Փաշինյանը պատրաստ է հրաժարվել Հայաստանի արտաքին քաղաքական շահերից. քաղաքագետ
18 Սեպտեմբերի 2023, 23:55
Alpha News-ի ուղիղ եթերում քաղաքագետ Ասլան Ռուբաևն ընդգծել է, որ Փաշինյանի՝ Ադրբեջանի տարածքային ամբողջականությունը ճանաչելու հայտարարությունը նշանակում է, որ նա պատրաստ է հրաժարվել Ղարաբաղից։
«Հիմա դժվար է հաղթողին որոշել, քանի որ ես այս իրավիճակի ամբողջական լուծումը չեմ տեսնում, և, ցավոք, նաև հումանիտար իրավիճակի։ Մենք այժմ այնպիսի նուրբ գծի վրա ենք, որ սահում ենք դեպի մեծ հակամարտություն: Անգամ Էրդողանի հայտարարությունը, որում նա, իբր, պատրաստ է քառակողմ հանդիպում անցկացնել, իհարկե, լավ է։ Սա հիանալի է, ես ցանկացած բանակցությունների կողմնակից եմ, գլխավորն այն է, որ այդ բանակցությունները լինեն բովանդակալից և շահավետ։
Բայց, Փաշինյանի հայտարարությունը, թե ճանաչում է Ադրբեջանի տարածքային ամբողջականությունը, նշանակում է, որ նա պատրաստ է հրաժարվել Ղարաբաղից։ Եվ ընդհանրապես, նա պատրաստ է հրաժարվել Հայաստանի արտաքին քաղաքական շահերից։
Այսօր, ցավոք, Հայաստանի հաղթանակը ոչ մի բանում չեմ տեսնում:
Լավ, ինչ-որ փուլում մեզ հաջողվեց ապաշրջափակել հումանիտար աղետը, և հասարակ քաղաքացիների համար սա, իհարկե, հաղթանակ է, բայց արդյո՞ք սա երկարաժամկետ հեռանկարում Հայաստանի հաղթանակն է։ Սա Ալիևի և Էրդողանի հաղթանակն է, որը դեռ վերջնական տեսք չի ստացել, բայց նրանք ավելի են մոտենում դրան։
Առայժմ, ցավոք, կամ բարեբախտաբար, ակնհայտ տարրն այն է, որ Էրդողանն առաջարկում է բանակցություններ վարել Մոսկվա-Անկարա-Բաքու-Երևանի շրջանակներում, և դա շատ լավ է, քանի որ որոշ միջնորդներ դուրս են մղվում։ Սակայն այս հակամարտությունում ամենակարևոր միջնորդներից և շահակիցներից մեկը՝ Թուրքիան, դուրս չի մղվում։
Հարցն այստեղ շատ լուրջ է: Գումարած՝ Ղարաբաղի հետ սահմանին երկու կողմից էլ աճում է ռազմականացումը, ինչը նույնպես, մտահոգիչ է: Արևմտյան որոշ լրատվամիջոցներ, մասնավորապես, Ֆրանսիայում, գրում են, որ Ղարաբաղի բնակչության ցեղասպանությունը հեռու չէ, և մենք կաղոթենք բոլոր աստվածներին, որ դա տեղի չունենա, իհարկե, և մեր մատը պահենք զարկերակի վրա՝ մինչև հակամարտությունը չլուծվի։ Հակամարտության որոշ հիմնական հատված չի ավարտվել, և հաջորդ՝ ավելի գլոբալ հակամարտությունները հեռու չեն»,- նկատել է քաղաքագետը։
Հիմա եթերում
