Ռուսաստանը փոխել է Արցախում ռուս խաղաղապահների հրամանատարին

ՌԴ ՊՆ-ից հայտնում են, որ այժմ Արցախում ռուս խաղաղապահների հրամանատարը գեներալ-մայոր Կիրիլ Կուլակովն է։ Նա փոխարինել է գեներալ-գնդապետ Ալեքսանդր Լենցովին, որը պաշտոնավարել է 4 ամիս։

Կուլակովը ծնվել է 1969 թվականի հուլիսի 20-ին։ Նա ծառայել է որպես դասակի հրամանատար, վաշտի հրամանատարի տեղակալ, շտաբի պետ՝ գումարտակի հրամանատարի տեղակալ և գումարտակի հրամանատար տանկային ստորաբաժանումներում:

2004 թվականից ղեկավարել է Կազանի բարձրագույն ռազմական հրամանատարական դպրոցի զրահատեխնիկայի և տեխնիկայի շահագործման բաժինները։

2014 թվականից նա ղեկավարել է Օրենբուրգի կազակական բրիգադի Սուվորովի, Կուտուզովի և Ալեքսանդր Նևսկու 7-րդ առանձին գվարդիական տանկային բրիգադները։

2017 թվականին նշանակվել է Կազանի բարձրագույն տանկային հրամանատարական դպրոցի պետ։