Պասկալ Բեդրոսյան․ ֆրանսիահայ ֆուտբոլիստը՝ Հայաստանի հավաքականում խաղալու երազանքի մասին

Հայտնի ֆուտբոլիստ և մարզիչ Պասկալ Բեդրոսյանը ծնվել է 1974 թվականի նոյեմբերի 28-ին ֆրանսիական Մարսելում, որտեղ գործում է հայկական համայնք: Հենց այնտեղ էլ Բեդրոսյանն իր առաջին քայլերն է արել ֆուտբոլային ասպարեզում։

Պասկալը դարձել է առաջին և առայժմ միակ ֆրանսիացի ֆուտբոլիստը, ով 15 տարեկանում գոլ է խփել Լոնդոնի «Ուեմբլի» մարզադաշտում: Նա ինքն էլ է կարծում, որ այդ գոլը մտել է իր մարզական կենսագրության պատմության մեջ։

Ավելի ուշ Բեդրոսյանն ընդգրկվել է «Կաննի» հիմնական կազմում, այնտեղ անցկացրել 5 մրցաշրջան, անցկացրել 84 հանդիպում և խփել 7 գնդակ: Այնուհետև Պասկալը մեկ մրցաշրջան անցկացրել է «Ռենում», իսկ 1998-ին տեղափոխվեց «Լորյան»։ Այն տարիները, որոնք Բեդրոսյանը անցկացրել է «Լորյանում», նա համարում է լավագույնը իր կարիերայում։

Նույնիսկ Ֆրանսիայի նախագահ Ժակ Շիրակն անձամբ է շնորհավորել Պասկալին և նրա թիմակիցներին երկրի Գավաթի եզրափակչի ժամանակ հաղթանակի կապակցությամբ, որտեղ «Լորյանը» հաղթել է «Բաստիային»: Սա «Լորյանի» առայժմ միակ նշանակալի հաջողությունն է ողջ պատմության ընթացքում։ Ֆրանսահայն այդ թիմում անցկացրել է 6 մրցաշրջան՝ դառնալով ՖԱ-ի առաջատարը։

Այժմ Պասկալ Բեդրոսյանը «Չիկագո Ֆայր» ֆուտբոլային ակադեմիայի նախագահի օգնականն ու գլխավոր մարզիչն է:

Պասկալը նույնիսկ ցանկանում էր խաղալ Հայաստանի հավաքականում, սակայն այդպես էլ հրավեր չստացավ։

«Մեծ պատիվ է խաղալ իմ նախնիների երկրի հավաքականում։ Ես սպասում էի Հայաստանի ֆուտբոլի ֆեդերացիայի հրավերին, որպեսզի իրագործեմ իմ բոլոր հնարավորությունները՝ ի շահ իմ պատմական հայրենիքի գլխավոր թիմի», — հարցազրույցներից մեկում խոստովանել է Բեդրոսյանը տարիներ անց։