Փաստաբանների պալատը ձևավորել է փաստաբանների խումբ՝ կալանավորված քաղաքացիներին անվճար իրավաբանական օգնություն ցույց տալու համար

Հայաստանի փաստաբանների պալատը ձևավորել է փաստաբանների խումբ՝ իշխանությունների կողմից միակողմանի զիջումների դեմ բողոքող կալանավորված քաղաքացիներին անվճար իրավաբանական օգնություն տրամադրելու համար։

«Հայաստանի Հանրապետության մարզերում և Երևան քաղաքում խաղաղ գործողություններ իրականացրած քաղաքացիներին բերման ենթարկելու վերաբերյալ տեղեկատվություն ստանալուց հետո՝ նրանց առաջին իրավական օգնություն ցուցաբերելու նպատակով, ՀՀ փաստաբանների պալատը ձևավորել է արագ արձագանքման խումբ։

Բերման ենթարկված քաղաքացիներին ոստիկանության բաժիններում առաջնային իրավական օգնություն կտրամադրեն փաստաբանները։

Առաջնորդվելով մարդկանց իրավունքների պաշտպանության առաքելությամբ և գիտակցելով իր դերը հասարակության մեջ այս հարցում՝ ՀՀ փաստաբանների պալատը շարունակում է հետևել բողոքի ակցիաներին մասնակցող մարդկանց իրավունքների վիճակին և պաշտպանել քաղաքացիների իրավունքները։

Անվճար առաջնային իրավաբանական օգնություն ստանալու համար կալանավորված քաղաքացիները կամ նրանց հարազատները կարող են կապվել խմբի փաստաբանների հետ՝ զանգահարելով 094-611-138 հեռախոսահամարով»,- ասվում է Հայաստանի փաստաբանների պալատի հաղորդագրությունում։